හෝර්ටන් තැන්න (මහඑලිය තැන්න) - Horton Plains

මහඑලිය තැන්න එහෙම නැත්තන් හෝර්ටන් තැන්න (horton plains) කියන්නේ මම දැකපු ලංකාවේ සුන්දරම ස්ථාන අතරින් එකක්. ලංකාවේ වෙන තැනකදී දකින්න නැති වෙනමම ලෝකයක් තමා එතන තියෙන්නේ. (මිට ආසන්න පරිසරයක් මාතලේ පිටවල පතන හරියේ තියනවා.එත් මේ තරම්ම සුන්දර නෑ ) හෝර්ටන් තැන්නේ තියන ප්‍රධානම ස්ථාන ටික බලන්නන පැය 5ක් විතර පයින් ඇවිදින්න තියනවා. හැබැයි මෙච්චර දුරක් ඇවිද්දේ මේ ටික බලන්නද කියලා කියන අයත් ඉන්නවා. ඒ එක එක්කෙනාගේ රසාස්වාදය තමා.

නෙල්ලිකුලම සිරිසම්බුද්ධ පංචසතික ශ්‍රාවක චාරිකාරාමය

"නෙල්ලිකුලම සිරිසම්බුද්ධ පංචසතික ශ්‍රාවක චාරිකාරාමය" පිහිටලා තියෙන්නේ අනුරාධපුර දිස්ත්‍රික්කයේ. බුදුරජාණන්වහන්සේ ඇතුළු 500ක් මහා රහතන් වහන්සේලා ජීවමාන ප්‍රමාණයෙන් මෙහි නිර්මාණය කරලා තියනවා.

ගල්මඩුව ගෙඩිගේ විහාරය - කුණ්ඩසාලේ

ගල්මඩුව ගෙඩිගේ විහාරය කිව්වම  වැඩි දෙනෙක් නොදන්නවා උනාට මේක ගොඩක් දෙනෙක් දැකල තියනවා. මතකද රාණි සබන් ad එක. ඒක රුගත කරලා තියෙන්නේ මේ පන්සලේ. මම ගත්ත පොඩි video clip එකකුත් පල්ලෙහා දාලා තියෙන්නේ. එකත් බලන්න. (මේක click කරලා youtube එකෙන් බලලා subscribe පාරක් දාන්න) එකේ අන්තිමේටම රාණි ad එකත් දැම්මා.

වෙස්සගිරිය

වෙස්සගිරියත් වැඩි දෙනෙක් අතර ප්‍රසිද්ධ තැනක් නෙවේ. අනුරාධපුරේ ඇවිත් ලගම තියන ඉසුරුමුණියට ගියාට ඊට අල්ලපු වැටේ තියන වෙස්සගිරියට වැඩි දෙනෙක් එන්නෙත් නෑ. එකෙත් පොඩි හොදක් තියනවා. මෙතන තියෙන්නේ අමුතුම පිහිටීමක්. එකේ ලස්සන විදින්නනම් නිස්කලංක බව එතනට අවශ්‍යයි. සෙනග වැඩිපුර අවොත්නම් ඇතිවන ගෝශාව එතන ඒ සුන්දරත්වයට හානියක්.

පිදුරංගල

පිදුරංගල තියෙන්නේ සීගිරියට කිට්ටුවම. සීගිරියේ ඉදලා 2Km විතර දුරක්. පිදුරන්ගලට නැග්ගම තමා ඔයාලට සිගිරිය ලස්සනටම දැක ගන්න පුළුවන් වෙන්නේ. පිදුරන්ගල උඩ කිට්ටුවටම යනකං යන්න පාර තියනවා. අන්තිම ටික ගල් ටිකක් අස්සෙන් නගින්න වෙන්නේ. එකත් හරි විනෝදජනක වැඩක්. උඩට අව්ව තදින් වැටුනට එක දැනෙන්නේ නෑ.ඒ තරම් තදට හුලග වදිනවා.